Y Tîm

 

Pwy ydw i?
Y Parchedig Martin Batchelor

Swydd
Caplan Arweiniol Coleg Cambria, a Ficer Bistre ym Mwcle hefyd

Dywedwch rywfaint amdanoch chi eich hun:
Dw i’n dod yn wreiddiol o Abertawe ac ro’n i’n ddadansoddwr systemau cyn fy ordeinio. Dw i wedi bod yn Bistre am 10 mlynedd.  Dw i’n briod â Jill ac mae gennym ni 3 o blant.

Eich Diddordebau:
Rhedeg (ond nid mor bell â Robin), dysgu chwarae’r piano, a gwylio pêl-droed a chefnogi Dinas Abertawe.

Eich meddyliau am Gaplaniaeth y Coleg:
Mae’r gaplaniaeth yn lle i bawb gael meddwl am bethau pwysig bywyd!
Yn gweithio ym mhobman!

 

 

Pwy ydw i? 

Y Parchedig Sally Baird.

Swydd?

Dwi wedi ymddeol, a dwi’n gweithio fel Diacon Galwedigaethol gwirfoddol yn yr Ardal Genhadaeth y Gororau.

Dywedwch ychydig amdanoch chi eich hun:

Mi wnes i hyfforddi i fod yn yn Dechnegydd Fferyllfa, ac roeddwn i wedi gweithio yn Ysbyty Duges Caer am 17 blynedd tan 2007. Mae gen i ddau fab a phedwar o wyrion. 

Eich diddordebau:

Dwi’n chwarae badminton, yn mwynhau garddio, a dwi wedi bod yn dysgu tai chi ers 9 mlynedd. 

Eich barn am Gaplaniaeth y Coleg:

… dylai fod yn ymwneud â chadarnhau perthnasau sy’n rhoi bywyd.

Rwy’n gweithio yng Nglannau Dyfrdwy ar ddydd Mawrth

E-bost: sally.baird@cambria.ac.uk

Pwy ydw i?

Mary Morris ydw i.

Swydd:

Rydw i’n hyfforddi fel darllenydd lleyg, ac rydw i ar hyn o bryd ar leoliad gwaith gyda’r Parchedig David Ashin ym Mhrestatyn.

Ychydig amdanoch chi eich hun:

Rydw i’n briod ac mae gen i dri mab wedi gadael y nyth. Ar hyn o bryd, mae gen i bump o wyrion, ond mae’r teulu’n cynyddu. Rydw i wedi dotio cael bod yn Naini.

Diddordebau:

Fy niddordebau yw gweu, darllen, theatr a chelf, ond gan fy mod yn astudio, mae hi’n anodd dod o hyd i amser i wneud popeth. Rydw i hefyd yn chwarae (yn wael!) gyda band chwyth.

Eich barn am Gaplaniaeth y Coleg:

Mae’r gallu i wrando yn bwysig mewn caplaniaeth. Mi ddylai fod ar gael i bawb, heb unrhyw fath o feirniadaeth.

Rydw i’n gweithio yn yr Hwb gyda Dot ar ddydd Llun ar hyn o bryd, ond bydd hyn yn newid o bosib yn y dyfodol.

….

Pwy ydw i?

Delyth Puleston Roberts

Swydd:

Ar ôl hyfforddi yn newyddiadurwr a goroesi nifer o swyddi yn y cyfryngau (teledu, radio, papurau newydd a chysylltiadau cyhoeddus), roeddwn yn darlithio ym Mhrifysgol Glyndŵr / N.E.W.I. yn Wrecsam am 16 mlynedd. Rydw i wedi ymddeol rŵan ac yn gwirfoddoli fel Cynorthwyydd Bugeiliol yn Eglwys Llaneurgain ac fel Caplan Lleyg gyda Choleg Cambria.

Ychydig amdanoch chi eich hun:

Rydw i’n briod, ac mae gen i ddwy ferch sydd yn byw a gweithio ym Manceinion. Nid oes gen i wyrion eto, dim ond cŵn bach … dau gi tarw bendigedig o’r enw Pablo a Mycroft!

Diddordebau:

Teulu, ffrindiau, cerdded, gwîn a theithio’r byd (wel, y Deyrnas Unedig a Ffrainc beth bynnag!) mewn ‘motorhome’ gyda Hector, ein ci achub.

Eich barn am Gaplaniaeth y Coleg:

Mae’n ysbrydoliaeth ymuno â thîm llawn angerdd o bob cefndir. Rydw i’n gobeithio y bydd fy mhrofiad yn gyfraniad cadarnhaol i’r cymorth sydd ar gael i staff a myfyrwyr Coleg Cambria.

Gweithio yng Nglannau Dyfrdwy ar ddydd Mercher

E-bost: delyth.puleston-roberts@cambria.ac.uk

 

…..

Pwy ydw i?

Beatrice Field

Swydd

Rwy’n ddarlithydd coleg wedi ymddeol, o Goleg Glannau Dyfrdwy, ar ôl bod yn dysgu yn yr Adran Arlwyo a Lletygarwch am ddeunaw mlynedd tan 1997. Rwyf hefyd wedi gweithio fel gweithiwr cymorth yn Sir y Fflint.

Dywedwch rywbeth amdanoch chi ei hun

Ar hyn o bryd rydw i’n  cymryd rhan  mewn llawer o wahanol weithgareddau yn fy eglwys. Fi yw’r Caplan Ffydd Gatholig ar safle Glannau Dyfrdwy.

Eich diddordebau

Rwy’n chwarae golff, er fy mod i’n ei alw’n  bron â bod yn golf!  Rwy’n mwynhau mynd am dro gyda fy nghi a chyfarfod pobl a chymdeithasu.

Eich meddyliau am Gaplaniaeth y Coleg

Bod ar gael i bawb, bod yn barod i wrando, gydag empathi ac yn ymatal rhag barnu.

Yng Nglannau Dyfrdwy ar ddydd Gwener.

E-bost: beatrice.field@cambria.ac.uk

 

…..

 

Pwy ydw i?
Cathy Williams

Swydd
Dw i’n gweithio i Festive (www.festive.org.uk), yn creu adnoddau ac yn cynorthwyo Cristnogion mewn colegau AB a 6ed dosbarthiadau.

Dywedwch rywfaint amdanoch chi eich hun:
Mi gefais i fy hyfforddi i fod yn athrawes Saesneg i bobl nad ydynt yn ei siarad fel mamiaith, ond ers i mi fod yn fyfyrwraig fy hun, dwi wedi bod yn gweithio i gynorthwyo a rhoi adnoddau i Gristnogion allu sefyll yn gadarn dros yr Iesu yn eu mannau addysg, ym Mhrydain a thramor.  Dw i bellach yn nain a dw i’n parhau i wneud hynny – dw i’n rhyw feddwl y byddai’n rhaid i chi ddweud fy mod i’n frwd drosto!

Eich Diddordebau:
Darllen, cerdded mewn mannau gwyllt, cadw gwenyn a stwnsian yn yr ardd.

Eich meddyliau am Gaplaniaeth y Coleg:
Mae cymaint i’w wneud a chyn lleied o amser i wneud hynny!  Dw i’n gweld pobl yn chwilio ac yn dyheu am y gwirionedd bobman yn y coleg.  Weithiau mae ganddyn nhw boenau dydyn nhw ddim yn gallu sôn amdanyn nhw.  Weithiau maen nhw eisiau rhywun i wrando ar beth sydd ganddyn nhw i’w ddweud.  Fel caplan, dw i’n gallu ceisio bod ar gael mewn sefyllfaoedd fel hynny i gyd.  Fel Cristion dw i bob amser yn fodlon sôn wrth bobl am Iesu, os oes ganddyn nhw ddiddordeb mewn gwybod am hynny, a dwi’n fodlon gweddïo gyda nhw (neu drostyn nhw) os ydyn nhw’n gofyn i mi wneud hynny.

Ac yn Llysfasi bob yn ail Ddydd Mawrth a Dydd Mercher

Email: catherine.williams@cambria.ac.uk

 

 

Pwy ydw i?

(Y Parchedig Ddiacon) Michael Schoonjans

Swydd

Dwi’n dad, taid, Diacon Parhaol gyda’r Ffydd Gatholig, ac yn ychwanegol at hynny, o eleni ymlaen, yn aelod o Dîm Caplaniaeth Cambria.

Dywedwch rywfaint amdanoch chi eich hun:

Dw i wedi treulio dros 20 mlynedd yn gweithio yn y Sector Addysg Bellach ac Uwch gan weithio am lawer o’r amser hwnnw yn NEWI a Phrifysgol Glyndŵr fel Rheolwr Gwasanaethau Myfyrwyr yn NEWI / Glyndŵr am 10 mlynedd.  Dw i hefyd wedi gweithio yn y sector Addysg Oedolion a gyda’r Gaplaniaeth ym Mhrifysgol Glyndŵr.  Dw i’n gobeithio bydd y profiad o weithio mewn addysg gyda’m swyddogaeth fel Diacon yn caniatáu i mi i gyfrannu’n gadarnhaol at y Tîm Caplaniaeth a myfyrwyr.

Eich Diddordebau:

Coginio, theatr, athletwr cadair Freichiau a chefnogwr chwaraeon, yn enwedig Rygbi Cynghrair

Eich meddyliau am Gaplaniaeth y Coleg:

Clust i wrando, man cysylltu a chael sgwrs, mae’r hyn rydych chi am iddo fod.  Dw i’n edrych ymlaen at ymuno â’r tîm a chynorthwyo’r myfyrwyr.

Yn Iâl a Ffordd y Bers.

Email: michael.schoonjans@cambria.ac.uk

 

 

Pwy ydw i?

Y Barchedig Dot Gosling

Swydd

Dw i’n offeiriad arloesol, sy’n golygu fy mod yn ceisio dod o hyd i ffyrdd o fod yn eglwys sy’n ystyried sefyllfa pobl yn yr 21ain ganrif.  Dw i’n cael fy nghyflogi i weithio gyda phlant, teuluoedd a phobl ifanc, ond nid dim ond gyda nhw’n unig.

Dywedwch rywfaint amdanoch chi eich hun:

Mae gen i 2 ferch, 1 mab yng nghyfraith ac un darpar fab yng nghyfraith, 4 chwaer (i gyd yn llawer hŷn na fi, ac felly mae gen i) 14 nai a nith, 23 o or-wyrion a gor nithod ac 1 gor gor nai.  Roeddwn i’n weithiwr ieuenctid ac yn uwch ddarlithydd mewn gwaith ieuenctid Cristnogol cyn dod i Gymru.

Dw i’n canu, chwarae gitâr ac allweddell, dw i wrth fy modd yn mynd i’r sinema, darllen a mynd am dro gyda fy nghi yn ogystal â threulio amser gyda fy nheulu a’m ffrindiau.

Eich Diddordebau:

Canu, darllen, gwau (weithiau), pobi, cerdded

Eich meddyliau am Gaplaniaeth y Coleg:

Mae’n lle i bobl ddod yno, petai ddim ond i gael siarad a chael rhywun i wrando arnyn nhw, waeth pwy ydyn nhw.

Email: dot.gosling@cambria.ac.uk

Yng Nglannau Dyfrdwy ar Ddydd Llun 

 

Pwy ydw i?

Ken Massey

Swydd

Wedi ymddeol

Dywedwch rywfaint amdanoch chi eich hun:

Dw i’n gyn weithiwr cynnal a chadw trydanol, mi fues i’n gweithio am 24 blynedd gyda’r Weinyddiaeth Amddiffyn yn y Llu Awyr Brenhinol yn Sealand, ac yna gweithio am 22 flynedd i wneuthurwr papur toiled.  Dw i bellach yn cynnig fy ngwasanaeth i eglwys Llaneurgain fel gweinidog bugeiliol, yn ogystal â’m dyletswyddau caplaniaeth y coleg; mae gen i un wyres sy’n rheoli.

Eich Diddordebau:

Cerdded mynyddoedd / yn y wlad, carafanio, astudio ar gyfer fy ngradd BA mewn Diwinyddiaeth,  golff gwrion (ar gwrs golff arferol).

Eich meddyliau am Gaplaniaeth y Coleg:

Mae cymhlethdodau bywyd wedi newid ers pan roeddwn i’n ifanc; rwy’n daid ac mae gen i amser i wrando ar bobl gydag unrhyw bryderon.

Yn Llaneurgain ar ddydd Llun neu yn ôl yr angen.

E-bost: kenneth.massey@cambria.ac.uk

…..

Pwy ydw i?

Ruth Holden

Swydd 

Cydlynydd y Gaplaniaeth yng Ngholeg Cambria

Dywedwch rywfaint amdanoch chi eich hun:

Dw i wedi byw yng Ngogledd Cymru ar hyd fy oes a bûm yn astudio yng Ngholeg Iâl tua 10 mlynedd yn ôl.  Mi es i i’r brifysgol wedyn ac astudio ffilm a ffotograffiaeth a gwirfoddoli gyda chaplaniaeth y brifysgol yr un pryd.

Eich Diddordebau:

Dw i wrth fy modd gyda ffilmiau a dw i’n mwynhau ysgrifennu storïau byrion yn fy amser hamdden.

Eich meddyliau am Gaplaniaeth y Coleg:

Weithiau rydyn ni angen rhywun i siarad â nhw, a dyna pam fod y gaplaniaeth yma.  P’un ai  cwestiwn ysbrydol neu gwestiwn am fywyd sydd gan rywun, mae’n dda cael siarad amdano. Trwy gydol fy nghyfnod coleg a phrifysgol, roedd cael siarad â chaplan o fudd mawr i mi a dw i’n gobeithio y gallwn ni gynnig yr un gwasanaeth i fyfyrwyr yma yng Ngholeg Cambria.

Ar gampws Iâl o ddydd Llun i ddydd Gwener 10am – 2pm

E-bost: ruth.holden@cambria.ac.uk

……

 

Pwy ydw i?

Patricia Roper

 

Job?

Dwi wedi ymddeol.

 

Dywedwch rywbeth amdanoch chi ei hun:

Mi ges i fy ngeni yn Wrecsam, rwy’n briod ag Elvin ers 43 blynedd; does gennym ni ddim plant.

Dwi wedi gweithio fel nyrs am 29 mlynedd, yn yr ysbyty ac fel nyrs gymunedol yn Wrecsam.

 

Eich diddordebau:

Dwi’n mwynhau gwnïo, cerdded, darllen, cael coffi gyda’m ffrindiau, mynd i’r sinema ac i operâu.

 

Eich meddyliau am Gaplaniaeth y Coleg:

Bod yn sensitif, gofalgar a thosturiol gydag anghenion unrhyw un sy’n gofyn am gymorth, gan greu amgylchfyd diogel.

 

Yn gweithio yn Iâl ar ddydd Mawrth.

E-bost: patricia.roper@cambria.ac.uk

…..

Pwy ydw i?

Jonathan Hodgins

 

Swydd ?

Dwi’n cael fy nghyflogi fel caplan yn y gweithle, sy’n golygu fy mod yn mynd i ble mae pobl yn gweithio ac yn rhannu adegau da bywyd ac adegau heb fod cystal. 

Rwyf yn Ffordd y Bers bron bob wythnos ac felly os byddwch chi’n fy ngweld o amgylch y lle, cofiwch ddweud  “S’mai!”

 

Dywedwch rywbeth amdanoch chi ei hun:

Mi symudais i fyw i Lannau Dyfrdwy gyda’m gwraig a’m plant ddiwedd 2016.  Cyn hynny roeddwn yn gweithio fel cenhadwr yn Sir Amwythig  a chyn hynny bûm yn dysgu Cymraeg yn Ne Cymru.

 

Eich diddordebau:

Dechrau pethau, mae gen i lu o lyfrau ar fy Kindle dwi wedi dechrau eu darllen, llawer o groeseiriau dwi wedi dechrau eu datrys, a llawer o ddiddordebau dwi wedi dechrau dysgu amdanyn nhw.  Dwi’n gobeithio y bydda i’n cael cwblhau rhai ohonyn nhw eleni!

 

Eich meddyliau am Gaplaniaeth y Coleg:

Mae bywyd yn llawn o derfynau amser ac efallai ei fod yn teimlo fel nad oes gan bobl amser i’w roi i chi.  Mae gan gaplaniaid amser i aros a gwrando. Rydyn ni yma i chi.

 

Yn gweithio yn Ffordd y Bers ar ddydd Iau.

Email: jonathan.hodgins@cambria.ac.uk